《长不大的比利时妖人

《原创文章 欢迎转载 请列明出处 谢谢》-请支持蓝狮 Facebook专页-《长不大的比利时妖人 按此观看图片 .图片来源 : plus.lesoir.be梅桑达,一个早几年被誉为有「新夏萨特」之称既比利时妖人,一度给予车路士球迷对未来锋线充满希望,可惜既係无论你几好波都好,只要品格态度唔好,一样难以生存于大球会之中。而梅桑达正正表现出一个典型「长不大的小孩」既人板比到大家睇。2012年,当时只有15岁既梅桑达正式加入车路士青年军,加盟头果几季先后为蓝军U18、U21、U23梯队上阵,当中更有一季被外借到西甲球会皇家贝迪斯吸取经验,可惜最终都因为伤患,只係喺西甲交出一个助攻就提前完结左外借返回伦敦。而返到黎之后蓝军既主帅都变为干地,比利时人亦决心留在车路士力争一席,但论能力排位,同样位置上有夏萨特、柏度、韦利安等好手,令梅桑达就只能喺一啲本土盃赛赛事中上阵。正所谓「年青人切忌心浮气躁」,尤其係生存喺大球会底下更要明白哩个道理,但明显自视过高既梅桑达向传媒炮轰球会同干地,表明自己有能力以正选上阵,并且指出球会肯留低我但又唔比机会我,而高层当然亦无强人所难,立即帮佢搵一啲心仪球会希望达成外借转会。以梅桑达既质素,其实绝对有能力喺英超中下游既球队当中争取正选上阵机会,而的确有一啲英格兰球会对佢有兴趣,但比利时人最终选择既係外借到些路迪两季,试问苏超所吸取既经验能够帮助得到佢成长几多?真係令人摸不着头脑。既然唔借都借左,咁唯有祝佢一路顺风真係学有所成既返黎,加盟些路迪既第二场波经已有正选机会,但佢唔单止无入波助攻,球队更喺佢正选哩两场波失分,而领队罗渣士亦因球员态度问题随即将佢放在冷板凳上,就连后备席位都无,梅桑达当然对此举感到不满,更好快将社交媒体上所有关于些路迪既相都删除,最终本身长达两年既外借期再次提前缩短到半年就完结。梅桑达短短两季既举动可以话真係「世界级」,球迷们对佢既期望亦开始走到尽头,而佢今季亦低调地外借到车路士喺荷甲既卫星球会维迪斯,由西甲再到苏超经已有好大落差,依加连苏超都踢唔掂要去荷甲,「长不大的小孩」似乎喺车路士既生涯都要到尾声了。文章最后更新时间 : 07/09/2018 14:00《原创文章 欢迎转载 请列明出处 谢谢》蓝狮 每週出文 用心写每篇文章 给我们一个Like作支持