2月、3月生日优惠│Encore 韩烤 滋味 Dining

Photo:Scott

唔知点解次次煲亲韩剧,嗰期就会特别心痒想食韩国菜,最近条瘾又发作,所以朋友一话约食饭,谂都唔使谂即拣 韩烤 。炑八算係我心头好之一,一来佢哋嘅肉类优质,货源同品质都有保证,二来锺意呢度价钱够亲民,就算最顶级嘅韩牛都只需要几百蚊就歎到,so far食过嘅朋友都觉得好满意。

(Presented by 炑八韩烤)

我知道1月初时炑八喺黄大仙中心开咗新分店,所以特登去试下。黄大仙店成间装潢都以浅色格调为主,墙上有好多同牛有关嘅图画,环境亦好阔落,坐得够舒服。

2月、3月生日优惠│Encore 韩烤 滋味  Dining
黄大仙分店面积够晒大又好多卡位,呢张相只係show咗其中一半空间。

3-4人份 韩烤 套餐

套餐包咗7款烧烤食材,分别有瓮腌1++韩牛五花肉、特製护心肉、厚切五花腩、韩牛肩胛肉、LA牛骨、大八爪鱼同韩国大虾,够晒大堆头。另外仲有1份外脆内软嘅鱿鱼泡菜煎饼,辣泡菜加埋有嚼劲嘅鱿鱼粒非常惹味,当然唔少得任添嘅自家製前菜、芝士粟米同埋泡菜蛋,韩式滋味十足,其他分店都有供应呢set套餐,最啱三五知己齐齐share!

2月、3月生日优惠│Encore 韩烤 滋味  Dining
食韩国菜必备前菜
2月、3月生日优惠│Encore 韩烤 滋味  Dining
韩牛套餐(3-4人) $785
2月、3月生日优惠│Encore 韩烤 滋味  Dining
睇到啲色泽同肉纹已经急不及待要烧嚟食

追加济州黑毛猪五花腩

由于太锺意食五花腩嘅关係,我哋仲额外追加咗1份。炑八选用嘅係济州岛黑毛猪嘅腩肉,因为济州岛係个天然无污染嘅地方,猪只可以喺优质环境下成长,所以肉质肥美有嚼头,味道亦比较香浓。店员教路烧嗰时要先将4面烧脆封住肉汁,再剪开一件件烧至全熟,咁就可以食到最原汁原味嘅五花腩喇!

2月、3月生日优惠│Encore 韩烤 滋味  Dining
炑八厚切五花腩配特製韩国鱼酱 $128

必点招牌菜

另外都推介大家试下酱油虾、酱油蟹同炸鸡,全部都係炑八嘅招牌菜。酱油虾、酱油蟹都係韩国新鲜直送到港,真係啖啖都係正宗韩式风味,尤其酱油蟹铺满又鲜又甘香嘅蟹膏,捞埋酱汁同饭一齐食真係冇得输!酱油虾一样都好鲜甜,只只都粗过又长过我手指,啖啖肉,正!

2月、3月生日优惠│Encore 韩烤 滋味  Dining
酱油虾 $128(前)、酱油蟹 $198(后)

温提:酱油蟹同酱油虾都需要提早预订

2月、3月生日优惠│Encore 韩烤 滋味  Dining
炑八原味炸鸡 $88(半只)/ $158(全只)

炸鸡分别有原味、甜味或配搭芝士,味道就视乎个人喜好去拣,最重要係啲鸡全部即叫即製,炸到脆卜卜,外面层脆浆唔厚,一咬开啲肉汁就流晒出嚟好juicy,不过要小心烫口。

2、3月寿星优惠

炑八每月都会推出生日优惠,2月及3月生日寿星惠顾晚市或消夜可以免费获赠韩牛1客,2至6位加送海带汤同新推出嘅炑八豆粉年糕多士各1客,满7至10位除咗以上食品,仲可以额外多份芝士炸鸡添!另外仲免切饼费,兼可以得到生日相架1张同韩式生日歌配套,记得预早1日订位同埋讲明需要享用生日优惠呀!

炑八韩烤

网址

Facebook: meokbangbbq